Regionun kənd yerlərində kiçik və orta fermerlər və mikro, kiçik, orta və iri sahibkarlıq subyektləri BMTİP tərəfindən həyata keçirilən layihə çərçivəsində dəstəklə təmin edilə bilər. Layihənin məqsədi fermer və istehsalçıların kənd təsərrüfatı sahəsində yeni əsas texnologiyalardan istifadə üzrə bacarıqlarını artırmaq, əkinçi, istehsalçı və digər qruplaşmaların peşəkarlaşdırılmasına və modernləşdirilməsinə kömək etmək, onların təhlükəsiz, yüksək keyfiyyətli və satış standartlarına cavab verən ərzaq məhsulları istehsal etmələrinə dəstək olmaqdır. Layihə təlimlər, habelə müraciətçilərin təsərrüfatının ölçüsündən asılı olaraq 10 000, 50 000 və 200 000 (nağdsız) avroyadək dəstək təklif edir.
Azərbaycan Nar İstehsalçıları və İxracatçıları Assosiasiyası (ANİİA) narçılıqla məşğul olmaqda maraqlı olan fermerlərə ödənişsiz xidmətlərin göstərilməsi istiqamətində çalışır. Ucar, Göyçay, Kürdəmir, Hacıqabul, Saatlı, Sabirabad və İmişli rayonlarından olan sahibkarlar Avropa bazarına çıxmaq, sertifikat əldə etmək və s. məsələlərlə bağlı məsləhət almaq üçün Assosiasiyaya müraciət edə bilər. Layihə çərçivəsində nar yetişdirilməsi və becərilməsi mövzusunda 10 təlim sessiyası, habelə davamlı məsləhətləşmələr təklif edilir. Bundan başqa, aqroturizmin inkişaf etməsi üçün təmir ediləcək beş ev seçiləcək və daha beş ailə şirə istehsalı sexinin işlədilməsi üçün dəstək alacaq.
Kiçik və orta sahibkarlar, eləcə də müvafiq biznesə dəstək təşkilatları təlimlərdə iştirak edə və məsləhət xidmətləri ala bilərlər. Xüsusi məqsəd KOB-ların bölgədə və Aİ ölkələri ilə iş qurarkən daha yaxşı məlumatlı ticarət qərarları verməsinə imkan yaratmaqdır. Layihə, bazar tendensiyaları və tələbləri, seçilmiş məhsullar üçün ixrac təlimatları, seçilmiş sektorlar üçün xidmət məlumatlarının toplanması və işlənməsi üçün milli potensialın yaradılması daxil olmaqla, bölgə və Avropa İttifaqı haqqında ticarət məlumatları verən onlayn portal hazırlayacaq.
İşçilərinin sayı 250-dən, illik dövriyyəsi 50 milyon avrodan az olan və ən az 2 illik təcrübəyə malik olan müəssisələr (hərbi, tütün və qumar oyunları sahələrində çalışanlar istisna olmaqla) AYİB-dən yeni veb-sayt, keyfiyyətin idarəedilməsi sistemi, marketinq strategiyası, yaxud tam yeni idarəetmə strukturunun hazırlanması kimi fərqli sahələrdə məsləhət və konsultasiya ala bilər.
Sahibkarlar Avropa bazarına çıxmaq, sertifikat əldə etmək və s. məsələlərlə bağlı məsləhət ala, festivallarda və narçılıq auksionlarında iştirak edə biləcək. Azərbaycan Nar İstehsalçıları və İxracatçıları Assosiasiyası (ANİİA) narçılıqla məşğul olmaqda maraqlı olan fermerlərə ödənişsiz xidmətlərin göstərilməsi istiqamətində çalışır. Layihə Göyçay, Kürdəmir, Ucar, Sabirabad, Hacıqabul, İmişli və Saatlı rayonlarındakı 100 kənddə 1-5 hektar nar bağına sahib olan 2000 kiçikmiqyaslı nar istehsalçısını əhatə edir. Assosiasiya fermerlərin Göyçay Nar Festivalında və narçılıq auksionunda iştirak etməsini təşkil edir.
BMT-nin İnkişaf Proqramı tərəfindən həyata keçirilən layihə kənd təsərrüfatı bitkilərinin yetişdirilməsi və becərilməsi ilə məşğul olan 5 startapı dəstəkləyəcək. Onlar 46 800 avroyadək maliyyə dəstəyi ala bilər.
Təşəbbüsdə fermer birlikləri və kiçik kənd təsərrüfatı emalçıları iştirak edə bilərlər. Dəstək 3 ticarət yarmarkasında (aqrofestivallar, sərgilər) iştirakı əhatə edir.
Təşəbbüs kiçik və orta müəssisələrin, eləcə də biznesə dəstək təşkilatlarının ticarətin qarşısında duran maneələri müəyyən etməsinə, mal və xidmətlərin ticarətində normativ və prosedural problemləri daha yaxşı başa düşməsinə kömək edəcək. Təşəbbüs çərçivəsində ticarətlə bağlı məlumatlara (tariflər, qeyri-tarif tədbirləri, vergilər, ticarət statistikası və prosedurlar) çıxış təklif edən “bir pəncərə” prinsipli onlayn platforma təklif edilir.