Bu nəşrdə ölkənin qida təhlükəsizliyi və heyvan və bitkilərin sağlamlığı sahələrini əhatə edən keyfiyyətin idarəedilməsi infrastrukturu nəzərdən keçirilir. Sənəddə Azərbaycanda keyfiyyətlə bağlı xidmətlər göstərən təchizatçıların əlaqə məlumatları da verilir. Bu, "İxrac Keyfiyyətinin İdarəedilməsi: Kiçik və orta sahibkarlar üçün təlimat" sənədinə Azərbaycan üçün uyğunlaşdırılmış əlavəsidir. Sənəd Beynəlxalq Ticarət Mərkəzi (ITC) tərəfindən həyata keçirilən və Avropa İttifaqı tərəfindən maliyyələşdirilən "EU4Business" təşəbbüsünün "Şərq Tərəfdaşlığı: Ticarətə hazır" layihəsi çərçivəsində hazırlanıb.
Oxucu ixracatçının beynəlxalq bazarın ehtiyaclarına cavab verməsi üçün keyfiyyəti artırmasına və texniki tələbləri, o cümlədən Sanitar və Fitosanitar tədbirləri yerinə yetirməsinə kömək edəcək xidmət təchizatçısını asanlıqla tapa biləcək.