İbrahim Əlisoy ona aid bayır üçün mebel firmasının taleyi ilə bağlı vacib qərar qəbul etməli idi. Onun kiçik şirkətinin mütərəqqi məhsullarına xaricdən maraq çox idi, ancaq minlərlə kilometr uzaqda olan müştərilərə məhsul ixrac etmək üçün istehsalı səmərəli şəkildə artırmağın yolunu bilmirdi.
Beləcə bu ilin fevral ayında Azərbaycandakı IDEA MMC-nin həmtəsisçisi və baş meneceri Kiçik Müəssisələr üçün Məsləhət proqramının Avropa Yenidənqurma və İnkişaf Bankındakı (AYİB) komandasına kömək üçün müraciət etdi.
İDEA əsasən bayır üçün metal və taxta mebel və memarlıq tikililərinin istehsalında ixtisaslaşır. Hər şey 2003-cü ildə heyrətamiz və mütərəqqi dizayna malik skamya, perqola və işıqforların kiçik həcmli istehsalı ilə başlayıb. İndi onların məhsullarına ictimai nəqliyyat üçün kölgəlik, reklam dayaqları və küçə işıqlandırması daxildir.
"Şirkətimiz fərqlidir, çünki biz standart məhsullar istehsal etmirik. Hər bir sifariş xüsusi hazırlanır və unikaldır", deyə İbrahim izah edir. "Dizayn və keyfiyyət bizim üçün ən vacib məsələlərdəndir".
Səmərəliliyin artırılmasına təcili ehtiyac
Bu yaxınlara qədər İDEA anbar və istehsal əməliyyatları haqqında dəqiq və vaxtında məlumat təmin edən avtomatlaşdırılmış sistemə malik deyildi. Bu səbəbdən müştərilərin sifarişləri gecikir və proses çətinləşirdi.
Rusiya, Qazaxıstan və Qətərdən gələn sifarişlərin artması səbəbindən səmərəliliyin artırılmasına ehtiyac var idi.
EU4Business təşəbbüsü çərçivəsində Aİ tərəfindən dəstəklənən layihədə Müəssisənin Resurslarının Planlaşdırma Sistemini tətbiq etmək məqsədilə AYİB Kiçik Biznes Təşəbbüsü şirkətə yerli məsləhətçi ayırdı.
Yeni sistem nəticəsində:
- əməliyyatlara daha yaxşı nəzarət təşkil edilmişdir
- çatdırılma vaxtı qısaldılmışdır
- biznesi genişləndirmək üçün lazımi inam təmin edilmişdir və
- Rusiya şirkətlərinin biri ilə bayır mebeli üzrə böyük bir müqavilə qorunub saxlanmışdır.
Neft və qaz sektoru xaricində diversifikasiya
İDEA MMC son iki onillikdə AYİB-in Azərbaycanda dəstək verdiyi yüzlərlə KOM-dan biridir. 2003-cü ildən bəriölkədəki 850-dən çox KOM məsləhət xidmətindən yararlanaraq rəqabət qabiliyyətini artırmış və nömrə 1 prioritet olan neft və qaz sektoru xaricində diversifikasiya üçün Azərbaycan iqtisadiyyatının inkişaf etməsinə kömək etmişdir.
AYİB və EU4Business-in dəstəyindən yararlanan daha bir müəssisə İş Qadınları (İQ) proqramından dəstək alan Gülnarə Həsənovanın idarə etdiyi ESSE - dəb aksesuarları və evə qulluq məhsulları şirkətidir.
İsveç Beynəlxalq İnkişaf və Əməkdaşlıq Agentliyi vasitəsilə İsveçin dəstəklədiyi İQ məsləhət proqramı ESSE şirkətinə Azərbaycanın qərbində Şəki və Gəncə şəhərlərində ofislərini açmağa, o cümlədən satış bölməsinin əməkdaşlarına təlim keçməyə və yeni marketinq planı hazırlamağa köməklik göstərmişdir. Nəticədə satışlarda 35% artım qeydə alınmışdır.
Azərbaycan KOM-ları üçün EU4Business/AYİB yardımı və krediti
Azərbaycanın növbəti addımlarla iqtisadiyyatını diversifikasiya etməsi üçün keçən il Aİ özünün Avropa Qonşuluq Aləti vasitəsilə 13,5 milyon avro dəyərində yeni yardım paketini açıqladı:
- ölkədə KOM-ların rəqabət qabiliyyətinin artırılması
- KOM-lar üçün yeni ixrac imkanlarının təşviqi və
- hökumət müəssisələrinə biznesi asanlaşdıran siyasətin tətbiqinə kömək.
2016-cı ildə Aİ həmçinin Azərbaycanın regional inkişafı üçün 14,5 milyon avro ayırmışdır və buraya ucqar ərazilərdə yerləşən KOM-ların inkişafına dəstək daxildir.
Yerli banklar vasitəsilə birbaşa maliyyələşdirmə və kredit vasitəsilə 294 milyon avrodan artıq maliyyə vəsaitləri ilə biznes tövsiyə əməliyyatları ilə yanaşı, AYİB onilliklər ərzində Azərbaycanda kiçik və orta müəssisələrin (KOM-lar) inkişafını dəstəkləyib.
Tarix
01.01.2003-ci il - 31.12.2017-ci il
Daha çox öyrən
AYİB Kiçik Müəssisələr üçün Məsləhət proqramı
Azərbaycanda AYİB
