You are using an outdated browser. Please upgrade your browser to improve your experience.
Yuxarı

Kənd təsərrüfatı kənd yerlərində yaşayan və ya əkin sahələrinə sahib olanlar üçün adi məşğuliyyətdir. Bir çox insan heyvandarlığı seçir, çünki bu, kifayət qədər gəlirli bir işdir. Axı, evdə yetişdirilən yeməklərə həmişə tələbat var və bu biznes sabit gəlir təklif edir. Ancaq hər şey o qədər də sadə deyil. İstənilən biznes kimi, fermerlər də bir sıra çətinliklərlə üzləşirlər. Azərbaycanın Bərdə rayonunda yaşayan Fərqanə Qarayeva bu çətinliklərin öhdəsindən necə gəldiyindən və Aİ tərəfindən maliyyələşdirilən layihənin onun gəlirini ildə 13 000 avroya çatdırmasına necə kömək etdiyindən danışır.  

Heyvandarlığın çətinlikləri

Azərbaycanın bir çox rayonlarında heyvandarlıq təsərrüfatları inkişaf edib və Bərdə də istisna deyil. Bu bölgədə heyvandarlığa gəldikdə isə fermerlər daha çox mal-qaraya üstünlük verirlər. Həmin təsərrüfat sahiblərindən biri də Fərqanə Qarayevadır. O, Türkmən kəndində yaşayır, 2013-cü ildən mal-qaranın yetişdirilməsi ilə məşğuldur, fermasında satış üçün bəslədiyi yalnız inəkləri var.  

Fərqanə bu işə başlamazdan əvvəl heyvanların yaşayacağı obyektlərin onların tələbatına uyğun olmasına əmin olub. Onların təmiz havaya və gün işığına gündəlik çıxışı var. Ayrı-ayrı tövlələrlə yanaşı, mal-qaranın otlaq yeri də var. 

Bir neçə ildir ki, Fərqanə təsərrüfat fəaliyyətini davam etdirir və bu, ona ilk vaxtlar minimum gəlir gətirirdi. Fermer başa düşürdü ki, heyvandarlıq ciddi sərmayələr tələb edən kommersiya fəaliyyətidir, ancaq mal-qara və texnika almaq deyil. Heyvan yemi baha başa gələn, davamlı xərcdir. Beləliklə, o, çox çalışmaqla biznesi təkmilləşdirməyə davam etdi.  

İrəli getmək

2019-cu ildə Fərqanə Qarayeva Avropa Yenidənqurma və İnkişaf Bankı (AYİB) tərəfindən EU4Business Təşəbbüsü çərçivəsində həyata keçirilən Azərbaycan Kənd Təsərrüfatının Maliyyələşdirilməsi Mexanizmi (AZAFF) proqramı çərçivəsində vasitəçi təşkilat olan Bank Respublika-dan əlavə maliyyə ala biləcəyini öyrəndi. O, dərhal bu fürsətdən yararlanmağa qərar verdi və biznesini genişləndirmək məqsədi ilə kredit üçün müraciət etdi. O, 15 000 manat və ya 8 000 avro kredit alıb. Həmin vaxt onun fermasında cəmi 5 inəyi var idi. 

Fərqanə Qarayeva qeyd edir: “Bu, mənim biznesimi inkişaf etdirmək üçün kifayət etmədi. Kredit aldıqdan sonra daha çox mal-qara ala bildim və indi fermada 20 baş inək var”.

Bir sözlə, onun fermada olan heyvanların sayı dörd dəfə artıb. İndi fermerin işi həqiqətən də yüksəlməyə başlayır.

Fərqanə indiyə qədər təsərrüfatda demək olar ki, hər şeyi təkbaşına görüb. İnəkləri olan bir çox fermalardan fərqli olaraq, onun ferması süd və süd məhsulları istehsal etmir. Onun əsas məqsədi inəkləri müəyyən ölçüdə böyütmək və sonra satmaqdır. Bu işdə Fərqanənin həyat yoldaşı onun köməyinə gəlir. O, həmişə potensial alıcıların axtarışındadır. 

Azərbaycan Kənd Təsərrüfatının Maliyyələşdirilməsi Mexanizmi Avropa İttifaqı tərəfindən EU4Business Təşəbbüsünün bir hissəsi kimi maliyyələşdirilir. Program AYİB tərəfindən həyata keçirilir. Onun texniki yardın üçün nəzərdə tutulan büdcəsi 2 milyon ABŞ dollarıdır. Proqram tərəfdaş maliyyə institutları və fermerlər üçün texniki yardım xidmətləri göstərmək üçün nəzərdə tutulub.  

 

Ən son Uğur hekayələri
az
18.03.2024
Azərbaycanın qərbində yerləşən Tovuz rayon sakini olan ingilis dili müəlliməsi Vüsalə Əhmədova doğma şəhərində “Edu Prime” adlı təhsil akademiyası açıb. Bu özəl təhsil müəssisəsində uşaqlar ibtidai məktəbə hazırlaşmaqla yanaşı, həm də əqli və fiziki cəhətdən inkişaf etmək imkanı qazanırlar.
az
02.10.2023
Bəzən perspektivli biznes planları və yüksək keyfiyyətli məhsullar uğur qazanmaq üçün kifayət etmir. İndiki vaxtda sahiblər və müəssisə rəhbərləri rəqəmsal dünyanı başa düşməli və məhsulların tanıtımı üçün ən müasir seçimlərə daha çox diqqət yetirməlidirlər.
az
14.11.2022
Azərbaycanın Balakən rayonundan olan biznes sahibləri EU4Business-in köməyi ilə premium məhsul hazırlamaq sirlərini kəşf edirlər. Biznesdə məhsul yetişdirmək və ya istehsal etmək işin yarısıdır.

Cookie-Lər
Bu sayt sizə daha yaxşı axtarış təcrübəsini təqdim etmək üçün cookie fayllarından istifadə edir. Daha çox məlumat
Cookie fayllarından imtina edirəm
Cookie fayllarını qəbul edirəm