You are using an outdated browser. Please upgrade your browser to improve your experience.
Yuxarı

Fitnesdən quşçuluq və gözəlliyə qədər Azərbaycanın müxtəlif bölgələrindən olan qadınlar arzularının reallaşdırılması üçün öz peşələrini dəyişdirdilər. Biznesi quran qadınların hər biri ideyanı uzun illərdir ki düşünürdü. Bəziləri hətta peşələrini dəyişdirərək tamamilə yeni bir işə başladılar.

Aydındır ki, bütün qadınlar motivasiyalı idilər, lakin Aİ-nın maliyyələşdirdiyi "Azərbaycanın kənd bölgələrində davamlı mikro sahibkarlığın inkişafının sürətləndirilməsi" və ya ADSMIRRA adlı layihə onlara real dəstək göstərdi.

Tovuz sakini bölgədə qadınlar üçün ilk fitness klubunu açıb

Tovuz sakini Taliya Məmmədova hazırda bu bölgədə qadınlar üçün ilk fitness klubunun sahibidir. Bu işə başlamazdan öncə o müəllim işləyirdi. Buna baxmayaraq, həmişə öz biznesinə sahib olmaq istəyirdi. Hər şeydən çox, Məmmədovanı idmanla və sağlam həyat tərzi ilə əlaqəli sahə cəlb edirdi. O artıq çəkidən əziyyət çəkdiyini və fitness klubu açmasının özünə arıqlamaq üçün böyük motivasiya olduğunu etiraf etdi. Məmmədova bu problem ilə üzləşən digər qadınlara da kömək etmək istəyirdi.

Regional Qadın Sahibkarlığının İnkişafı Assosiasiyası vasitəsilə Aİ tərəfindən maliyyələşdirilən layihə "Azərbaycanın kənd bölgələrində davamlı mikro sahibkarlığın inkişafının sürətləndirilməsi" (ADSMIRRA) barədə məlumat əldə edəndə, Məmmədova istedadlı şəxslərə və peşəkar məşqçilərə qoşuldu.

"Mən bu layihəyə qoşulmadan əvvəl xanımlar üçün fitness klubunu açmağı düşünürdüm"  deyə Məmmədova xatırlayır. "Ancaq zəruri avadanlıqlara, xüsusən də qaçış aparatlarına sahib deyildim. Qrant yardımı sayəsində keyfiyyətli avadanlıq ala bildim. Vaxt qazandıra və müştərilərimi daha xoşbəxt edə bildim. Güclü insanlarla görüşdüm və onlardan çox şey öyrəndim".

Nəticədə, Məmmədova yanaşmasını dəyişdirdi və qadınların daha çox gücə sahib olduqlarını, həqiqətən istəsələr çox şey əldə edə biləcəklərini öyrəndi. Həmrəylik çox kömək edir, deyə Məmmədova etiraf edir.

Fərdi quşçuluq təsərrüfatının idarə edilməsi və genişləndirilməsi

Azərbaycanda özəl bağ evlərində quşçuluq təsərrüfatları fəal şəkildə inkişaf etdirilir. Yerli mağazaların rəflərində alıcılar müxtəlif bölgələrdən məhsul tapa bilər və ölkənin qərbində yerləşən Gədəbəy də onların arasındadır.

Fermerlərin bildiyi kimi, qışda toyuq və yumurtaya tələbat kəskin şəkildə artır. Əlbəttə ki, təsərrüfat gəlirləri də artmaqda davam edir. Təsərrüfat sahiblərinin digər fəsillərdə də üstünlükləri var. Onlar alıcılar arasında böyük tələbat olan ev toyuqlarını yetişdirirlər.

Gədəbəyli fermer Kifayət Novruzova uzun müddətdir quşçuluq ilə məşğuldur. O gəliri yumurta və quş əti satmaqla qazanır. Novruzova irəliləməyin və öz təsərrüfatını genişləndirməyin yollarını axtararkən ADSMIRRA-ya qoşuldu.

Novruzova xatırlayır: "Bu layihə sayəsində əvvəlcə işimi daha yaxşı idarə etməyi və maliyyə qaynaqlarını necə istifadə etməyi öyrəndim. Bundan əlavə, yeni insanlarla əlaqə qurdum və uğurlu qadın sahibkarlar məni işimi inkişaf etdirməyə təşviq etdilər".

Novruzova, biznes planını təqdim etdi və qrant qazandı. Vəsaiti o quşçuluq biznesinin yenidən qurulmasına və genişləndirilməsinə xərcləməyə qərar verdi.

"Gözləntilər özünü doğruldu", Tovuzdan olan kosmetoloq öz biznesindən danışır

Kosmetologiya Azərbaycanda son illərdə sürətlə inkişaf edən kiçik biznes sahələrindən biridir. Bu, xüsusilə qadınlar üçün yeni iş açmaq üçün əlavə imkanlar yaradır. Tovuz sakini Fərqanə Əsədova bu işə 10 il əvvəl başlamağa qərar verdi. Xoşbəxtlikdən gözəllik sənayesində işləmək fikri ailənin üzvləri tərəfindən də dəstəkləndi.

Məqsədinə çatmazdan öncə Əsədova xüsusi kurslar keçib sertifikat aldı. Azərbaycanın ucqar bölgələrində çox sayda kosmetoloji mərkəz olmadığı üçün özünü fərqləndirməyə və potensial müştərilərə daha keyfiyyətli xidmətlər təqdim etməyə qərar verdi. Kursları bitirdikdən sonra kiçik bir otaq icarəyə götürdü. Orada əvvəlcə bir neçə xidmət göstərdi. Daha da inkişaf etmək üçün əlavə köməyə ehtiyac duydu.

O zaman Əsədova, ehtiyac duyduğu dəstəyi təqdim edə bilən ADSMIRRA layihəsi haqqında məlumat aldı. Bu barədə məlumatları oxuduqdan sonra qoşulmağa qərar verdi. Son mərhələdə ona maddi dəstək verildi. "Gözləntilər yüksəkdir" deyə Əsədova etiraf etdi. Təcrübəsini digər təşəbbüskarlarla bölüşdü və hətta bir neçəsini layihəyə qoşulmağa razı saldı.

"Əvvəllər işim kiçik idi" deyir Əsədova. "Bu gün özümə güvənim yüksəkdir. Maddi dəstək aldım. Layihə lazımi avadanlıqların pulunu ödəməyimə kömək etdi və bu daha çox insanın işə götürməyimə imkan verdi. Bu cür dəstəyin sayəsində bir çox qadın dolanışıq təmin edə və ailələrinə kömək edə bilər. İşimi inkişaf etdirə və genişləndirə bildim".

Əsədovanın etiraf etdiyi kimi, kosmetologiya, xüsusən də kənar bölgələrdə, pandemiya səbəbindən hazırda qadağan edilən kütləvi bayram tədbirləri ilə sıx əlaqələndirilir. Bu, şübhəsiz ki, təmiz gəlirə təsir edir. Buna baxmayaraq, Əsədova ən yaxşısına ümid edir. Bundan əlavə, ADSMIRRA seminarları zamanı, işi üçün çətin anlarda belə, maliyyə vəsaitlərini düzgün idarə etməyi öyrəndi. Bu məlumat indi onun üçün həmişəkindən daha çox fayda gətirir.

Aİ tərəfindən maliyyələşdirilən ADSMIRRA layihəsi Azərbaycanda davam edir. Məqsəd maliyyə savadlılığı və biznes planlaması mövzusunda seminarlar təqdim edərək kənd yerlərində mikro və kiçik sahibkarların potensialını gücləndirməkdir. Layihə 37 start-upların fəaliyyətə başlamasını, 76 mikro müəssisənin genişləndirilməsini və Azərbaycanın kənd yerlərində 125 iş yerinin yaradılmasını dəstəkləmişdir.

Ən son Uğur hekayələri
29.04.2021
Gündən günə Azərbaycanda daha çox qadın sahibkarlıqla maraq göstərir. Buna baxmayaraq, çox vaxt ideyalarını gerçəkləşdirmək və ya mövcud biznesi genişləndirmək üçün onlara lazımlı mənbələr, biliklər və ya maliyyə dəstəyi çatışmır.
27.04.2021
Naxçıvan Muxtar Respublikasının Zeynəddin kəndinin sakini Yaqut Əhmədova, erkən yaşlarından rəssamlıqa böyük həvəs göstərərmiş. Hələ məktəbdə oxuyarkən, bu istedadlı qızcığaz yaradıcılıq dərnəyinə gedirdi və 6-illik rəssamlıq kursunu, 4 il ərzində fərqlənmə ilə bitirmişdir.
19.04.2021
Dekorativ-tətbiqi sənət ustası Sona Məhərrəmova, Gəncədə rəssam ailəsində böyüyüb boya-başa çatıb. Gənc yaşına baxmayaraq o, incəsənətdə, əsasən, şüşə üzərində rəsm sənətində böyük yaradıcılıq və tədris təcrübəsinə malikdir.

Cookie-Lər
Bu sayt sizə daha yaxşı axtarış təcrübəsini təqdim etmək üçün cookie fayllarından istifadə edir. Daha çox məlumat
Cookie fayllarından imtina edirəm
Cookie fayllarını qəbul edirəm