Faydalı resurslar

Avropa Yenidənqurma və İnkişaf Bankı dünyanın bir çox ölkələrinə maliyyə dəstəyi göstərən beynəlxalq təşkilatdır. AYİB kiçik və orta sahibkarlara maliyyələşmə və məsləhətləşmə imkanı verir, onlara yenilik etməyə, böyüməyə və potensiallarına çatmağa kömək edir. Təşkilat ayrıca banklar və digər maliyyə qurumları tərəfindən kreditləşməni təşviq edir və yerli valyuta və kapital bazarlarının inkişafına kömək edir.

Aİ-nin ölkədəki layihələrini təqdim edən Avropa İttifaqı Azərbaycan üçün veb saytı. Burada Aİ tərəfindən maliyyələşdirilən onlarla layihə, eləcə də hazırda Azərbaycanda fəaliyyət göstərən biznes yönümlü layihələr haqqında ətraflı məlumat verilir. Veb sayt həmçinin müntəzəm olaraq layihələr haqqında xəbərlər və Aİ-nin maliyyələşdirilməsi sayəsində mövcud olan imkanların siyahısını dərc edir.

Layihənin məqsədi Azərbaycan, Belarus, Ermənistan, Moldova, Gürcüstan və Ukraynadan olan gəncləri siyasət dialoqu və qərarların qəbulu prosesinə fəal şəkildə cəlb edilməsidir. Bu, altı ölkədə gənclər sektorunun əsas maraqlı tərəfdaşlarına potensialın gücləndirilməsində əhəmiyyətli dəstək verir və Şərq Tərəfdaşlığı regionunda hökumət və qeyri-hökumət təşkilatları ilə Avropa İttifaqındakı müvafiq həmyaşıdları arasında şəbəkəni, mübadiləni və qarşılıqlı öyrənməni təşviq edir.

Layihə Şərq Tərəfdaşlığı regionunda maarifləndirmə, sosial innovasiyaların təşviqi və qərar qəbul edilməsində iştirak edən müxtəlif maraqlı tərəflərlə müvafiq mübadilə yolu ilə daha əlverişli sosial sahibkarlıq ekosisteminin inkişafına kömək etmək məqsədi daşıyır. Bununla bölgədəki sosial investorların, sosial sahibkarların sayında artım müşahidə olunacaq və əməkdaşlıq gücləndiriləcək. Nəticədə, vətəndaş cəmiyyəti təşkilatları və sosial müəssisələr davamlı olmaq və cəmiyyətə müsbət təsir göstərmək üçün sosial investisiyalardan faydalanacaqlar.

Erasmus + yerli ofisi, Erasmus+proqramının həyata keçirilməsində Avropa Komissiyasına, təhsil, audiovizual texnologiya və mədəniyyət üzrə icraçı agentliyə (EACEA) və milli hökumətlərə kömək edir. O, Azərbaycanda, xüsusilə ali təhsil sahəsində, eyni zamanda, zəruri hallarda təhsilin digər səviyyələrində siyasətin inkişafını yaxından izləyir. Aİ-nin nümayəndəliyinə əlavə olaraq, ofis, Erasmus+proqramı çərçivəsində Aİ-nin təhsil əməkdaşlığı fəaliyyəti ilə əlaqəli bütün iştirakçılar, potensial müraciət edənlər, faydalananlar və digər maraqlı tərəflər üçün ölkənin əsas məkanıdır.